Crnogorski pjevač Danijel Alibabić priznao je za “Alo!” da mu je veoma teško da nastupa nakon bizarnog napada koji doživio na jednoj svadbi. Naime, Danijelu je prije nekoliko nedjelja pijani gost odgrizao dio ušne školjke, a pjevač priznaje da još nije uspio da se izbori sa negativnim osjećanjima.
– Pjevao sam na 500 svadbi i u životu mi se nije desila ružna situacija, jer sam uvijek nasmijan i raspoložen. Nedjelju dana nakon incidenta ponovo sam radio svadbu i bilo mi je teško. Jednostavno, moj organizam je burno reagovao, a srce mi je nenormalno lupalo. Znao sam da ljudi ništa neće primijetiti jer sam odglumio da sam dobro, ali kada bi mi neko prišao, doživio bih ozbiljan stres. Iskreno se nadam da tako mora i da će na slijedećem nastupu biti mnogo bolje – rekao je Danijel.