“Doživljavam to apsolutno kao neprijateljski čin i ja ću znati da se odnosim prema njima i prema njihovom stavu o tome”
Milorad Dodik, presjedavajući Predsjedništva Bosne i Hercegovine kazao je kako odluku Skupštine Crne Gore da usvoji Rezoluciji o genocidu u Srebrenici “doživljava apsolutno kao neprijateljski čin”.
Milorad Dodik je u izjavi za RTRS naglasio da je “neshvatljivo da crnogorski Parlament izglasa Rezoluciju o genocidu u Srebrenici”, a da to nije još uvijek prošlo u BiH.
“Ako Parlamentarna skupština BiH nije donijela sličan dokument, onda se postavlja pitanje zašto je to uradila Crna Gora? Postavlja se pitanje da li je to akt miješanja u unutrašnje stvari? Ako politika BiH nije mogla da dođe do konsenzusa o tom pitanju, kako je moguće da oni imaju pravo o tome da pričaju? Da li je to pranje njihove savijesti”, pita se Dodik.
Dodik: Kontinuitet antisrpstva
Milorad Dodik je istakao da je to bila “nepotrebna priča”.
“Skupština Crne Gore ništa nije dokazala oko Srebrenice. Ali je dokazala da je u kontinitetu protiv Srba i antisrpska. Doživljavam to apsolutno kao neprijateljski čin i ja ću znati da se odnosim prema njima i prema njihovom stavu o tome. Kao i prema toj Crnoj Gori koju ta većina čini”, istakao je Dodik.